މިފަހަރު ހިސާބުގަޑިގައި މިހުށަހަޅާލަނީ ސުވާލެއް އެކަންޏެވެ. މިސުވާލާއި މެދު ފުންކޮށް ވިސްނާފައި ޖަވާބު ލިބޭތޯ މަސައްކަތް ކޮށްލާށެވެ. މިއީ ތިބާއަށް ޖަވާބު ނުލިބޭނެ ވަރުގެ ސުވާލެއް ނޫނެވެ.
މަރުކޭޓަށް ވަދެ ދެތިން އެއްޗެއްގެ އަގު ބަލައިލީމެވެ. ރުފިޔާއަކަށް (1 ރުފިޔާއަށް) 8 ހުތް ކުންނާރު، ރުފިޔާއަކަށް ކޮޕީފަތެއް (1 ރުފިޔާއަށް 1 ކޮޕީ ފަތް) އަދި 10 ރުފިޔާއަށް ކަށިކެޔޮ ވަކެއް(1 ވައް) ލިބެން ހުއްޓެވެ. މިއިން ކޮންމެ ބާވަތަކުން ވެސް ބޭނުންވާ ވަރަށް ނަގާފައި ކޮތަޅަކަށް ލައިފީމެވެ. އަގު ދެއްކުމަށް ކޮތަޅުގައި ހުރި ޖުމްލަ އަދަދަށް ބަލާލިއިރު އޮތީ 100 އެވެ. ހުރިހާއެއްޗެއްގެ އަގަކަށް ވީ ވެސް 100 ރުފިޔާއެވެ. ވީމާ އަހަރެންނަށް ގަނެވުނީ ކޮންމެ ބާވަތަކުން ކިތަކެތި ހެއްޔެވެ؟
މިސުވާލުގެ ޖަވާބު ކޮމެންޓް ކޮލަމް މެދުވަރިކޮށް ފޮނުވާށެވެ.
ޖަވާބު އަންނަ ހަފުތާގައި މިކޮލަމްގައި ހިމަނާނަމެވެ.
ޚިޔާލުތައް